Folketingimi oqallittorsuupput
Folketingimi oqallinnissaarsuaq pisarnertut aallartippoq. Ministeriunerup ammaalluni oqalugiaataa partiini politikkikkut oqaaseqartartut tamarmik oqaluttarfimmut qaqillutik oqaaseqarfigissavaat.
Politikkimut tunngasut tamrmik oqaaseqarfigineqassapput, taamaakkaluartorli ammaanersiorluni oqalugiaammi immkkoortortat aalajangersimasuttyikinneqapallassapput. Soorlu inuiaqatigiinni assigiinngissuseq siorna tikinneqapallattoq.
Venstrep politikkikkut oqaaseqartuata, Troels Lund Poulsenip, partiini oqaaseqartartuni siulluni oqaluttarfimmut qaqigami, tikitaa tassaavoq, nammineq oqarnera naapertorlugu, ”illuatungiliuttut naalagaaffiup aningaasartuutai pillugit ernumasaarinerallusooq”.
Ammaanersiorneq pillugu oqallinneq sivisunerpaamik ingerlanneqartunut ilaasarpoq, ilaatigut unnuarsuarmut oqallittoqarsinnaalluni. Siorna taama oqallinnermi aallarniummut oqaasererusutat, apeqqutit akissutillu katillugit 357-iupput. Oqallinneq nalunaaquttap akunnerini aqqaneq-marlunni ingerlanneqarpoq, unnukkut qulip qeqqata tungaanut ingerlalluni.
