Folketingimi ilaasortavut taaseqataanngitsoortuarput
Kalaallit Nunaanniit folketingimi ilaasortat Juliane Henningsen aamma Lars-Emil Johansen taamatuttaaq Savalimmiuniit folketingimi ilaasortat arlallit folketingimi taasisoqalertillugu taaseqataannginnerpaanut ilaasarput.
juunip 14-at 2008 13:44
Aviisip Politikenip naatsorsuisimanera najoqqutaralugu taama saqqummiisoqarpoq.
Oqaatigineqarporlu kalaallit aallartitaat taakku marluk taasinerni 98 procentiusuni peqataanngitsoorsimasut.
Folketingimi ilaasortat taakku Savalimmiut Kalaallillu Nunaat pineqartillugit aatsaat taaseqataasarsimapputtaaq.
- Folketingit ataatsimiittarfianni Kalaallit Nunaanut attuumassuteqartunik taasisoqalersillugu takkuttarpunga, tassami taanna isumaqatigiissutaammat, isumaqarpungalu folketingit ataatsimiittarfianiittartorujussuullunga, Juliane Henningsen taama Polikenimi issuarneqarpoq.
Taakkuinnaalli kisimik taaseqataanngitsoortarsimanngillat, tassami statsministeri Anders Fogh Rasmussenip taaseqataannginneri 96 procentiusimapput taasissutaasussani 406-isuni.
