Folketingimi ilaasortatta isornartorsiutaat akineqangaanngillat

Folketingimi ullumi ukiormoortumik inaarutaasumik oqallittoqangaatsiarpoq. Oqallinnerlu kipisuitsuusatut misinnaraluartoq taamaattoq ilanngussisinnaavugut. Nunatsinniit folketingimi ilaasortat saqqummiinerminni danskit atorfilittaat sorsunnersuullu nalaani Danmarkip marloqiusamik inissisimanera sakkortuumik isornartorsiorpaat. Taamatuttaaq minnerunngitsumik danskit naalagaaffiata issittoq pillugu ilisimatusarnissamut tapersersuinnginnerat tikkuartorpaat, danskillu politikkeriisa puisinniartarneq pillugu uumasullu illersorneqarnissaannut soqutiginninnginnerat ilanngullugu isornartorsiuffigalugu.

Statsministeri Anders Fogh Rasmussenip isornartorsiutit tamaasa akinngilai, erseqqissaassutigaali Thule-mi qinngornernik ulorianartunik misissuinermik tapersersuineq ingerlateqqinneqassasoq. Taamatuttaaq aalajangiusimagini kalaallit nammineq siunissami namminiilivikkusunnertik aalajangissammassuk taamalu aamma namminneerlutik namminiilivinnermi aningaasalersussagamik.

Taamatut folketingimi naggataarutaasumik oqallinneq allatut oqaatigalugu nutaartaqangaanngilaq.