Folketingimi ilaasortat uummaarissumik oqalliseqatigaat
Naalakkersuisut nutaat – Kalaallit Nunaat pillugu politikki nutaaq, taama qulequtserlugu folketingemut ilaasortat, Juliane Henningsen, Inuit Ataqatigiit, SF-ip siulittaasua Villy Søvndal aamma Annika Smith, Atlantikup Avannaani Suleqatigiinni politikkikkut siunnersortaasoq, Københavnimi Kalaallit Illuuttaanni ippassaq peqataaffigineqarluartumik oqallitsitsippu.l
Folketingimut ilaasortaq, Juliane Henningsen, Inuit Ataqagiit, tulliani folketingimi qinersinissamut qinigassanngorteqqinnianngitsoq, illuatungiliuttut partiianni SF-imi siulittaasoq Villy Søvndal aamma folketingimut qinigassanngortittoq, massakkullu Atlantikup Avaanni Suleqatigiinni politikkikkut siuinnersorti, Annika Smith SF-imeersoq, Københavnimi Kalaallit Illuutaanni uummaarissumik ippassaq unnukkut oqallitsitsipput.
Juliane Henningsenip naatsorsuutigaa qinersinerup kingorna danskit naalakkersuisui taarserneqarumaartut. Taanna isumaqarpoq naalakkersuinikkut nutaamik Kalaallit Nunaat aamma Danmark akunnerminni suleqatigiilluarsinnaasut.
- Ilimagineqarpoq danskit naalakkersuisui qinersinermi tullermi uppisitaassasut. Imaappoq SF, De Radikale aamma Socialdemokratit naalakkersuisunngortitsissappata taava suunukua naatsorsuutigisinnaagingut nunatsinninngaanniik, Julianne Henningsen oqarpoq.
Qallunaat naalakkersuisuinut illuatungiliuttut SF-ip siulittaasua Villy Søvndal oqarpoq, qallunaat naalakkersuisui nutaanngussappata Namminersorlutik Oqartussanut nutaamik pitsaanerusumillu siunissami suleqatigiissuteqartoqarsinnaasoq.
- Kalaallit Nunaannut pitsaasumik suleqatigiissuteqarnissaq kissaatigaarput. Inuit Ataqatigiinnut pitsaasumik attaveqarpugut, aammalu ukiuni arfineq pingasuni folketingimi suleqatigisimasara Kuupik Kleist pitsaasumik suleqatigaarput. Danmarkimi naalakkersuisut nutaat Kalaallit Nunaannik pitsaasumik suleqatigiissuteqarsinnaapput, ilaatigut issittumi periusissat pillugit, Namminersorluni Oqartussaqarneq pillugu aammalu kalaallit inuuniarnikkut ajornartorsiuteqartut pitsaanerusumik atugaqalernissaat pillugu, Villy Søvndal oqarpoq.
