Folketingimi ilaasortat utoqqatseqquneqarput

januaarip 26-at 2005 07:18

Atassummit Folketingimut qinigassanngortittoq Jørgen Birger Jensen piumasaqarpoq nunarput sinnerlugu folketingimi ilaasortaasut nunatsinnilu naalakkersuisut Danmarkip naalakkersuisuinut utoqqatsissasut.

Taama piumasaqalerneq pivoq Kalaallit Nunaat Savalimmiullu pillugit paasissutissat kukkusut Danmarkip FN-mut saqqummiunneqartarsimasut nunanut allanut ministerip Per Stig Møllerip ilumuunnginnerareeraalu.

Atlantikup avannaani suleqatigiit nalunaarusiatigut marlutsigut Danmarkimi naalakkersuusarsimasut isornartorsiorpaat, Kalaallit Nunaata Savalimmiullu namminersulerusunnerat pillugu 90-ikkunni eqqunngitsunik paasissutissiisarsimanerarlugit. Tamatuma kingorna nunatsinni naalakkersuisut aamma akuliupput.

Jørgen Birger Jensen isumaqarpoq folketingimi ilaasortat Danmarkip naalagaaffiat kusanaatsuliorfigigaat. Isumaqarportaaq nunatsinni naalakkersuisunut ilaasortat isornartorsiuisunik ilaliinerat isornartoqartoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk