Folketingimi ilaasortat sulilerput
Juliane Henningsenip ilaasortat nutaat allat peqatigalugit Christiansborgimi sulineq qanoq ittuunersoq tallimanngormalli pikkorissarfigaa.
- Ajunngilaq, illorsuarmi sulineq ilinniarujoorparput. Ullumi ataatsimiinneq aallartippat uanga kalaallisuussaanga, ajamalu taakunnarninni ilagissavaanga, persuarsiortorujussuuvoq, Juliane Henningsen oqarpoq.
Ministeriunerup Anders Fogh Rasmussenip ammaalluni oqalugiaatini tappavani nalunaaqutaq ataatsimut, maani qulingiluanngorpat aallartissavaa.
Juliane Henningsen folketingimi sisamanngorpat oqalugiarngaassaaq.
- Ministeriunerup ammaanermi oqaasii oqaluuserineqalerpata, oqaaseqarnissannut piareersimassaanga, oqarpoq.
Nunatsinnit qinigaasut aappaat, qinigaaqqittoq Lars- Emil Johansen Siumumeersoq suli Nuummiippoq, aatsaallu borgmester Agnethe Davidseni ilisaareerpat folketingimi ataatsimeeqataalernissani pilersaarutigalugu.