Folketingimi ilaasortat iliuuseqalerput

juunip 04-at 2006 12:47

Folketingimi ilaasortaq Lars-Emil Johansen ilaasortaqatini Kuupik Kleist Kommunefogedinik amingaateqarnerit pillugit pinsip kingorna ataatsimeeqatiginiarpaa.

Ippassaq oqaluttuaraarput Kangaamiuni ukiup affaani kommunefogedeqarsimannginneq pillugu aaqqeeqqusillutik nunaqarfimmi aqutsisut folketingimut ilaasortanut ammasumik allagaqarsimanerat.

Kommunefogedeannginneq pissutaalluni allatut ajornartumik qatserisartut peqqinnissamut ikiorti nunaqarfinnilu aqutsisut kommunefogeditut inissittaqariaqartarput.

Lars-Emil Johansen-ip naatsorsuutigaa danskit inatsiseqarnermut ministeriat Lene Espersen, kommunefogedeannginneq akisussaaffigimmagu qanoq iliuuseqarniarnersoq apeqquteqaateqarfigineqassasoq.

Kommunefogeditut atorfiit akissaatikippallaarmata tigujumaneqarneq ajorput, Kangaamiunilu innuttaasut 400-t 500-ullu akornanni amerlassuseqarput, kommunefogederlu qaammammut 3000 kr-it missaannik akissarsiaqartinneqartarpoq.