Folketingimi ilaasortat ilinniagartuuninngussasoraat
Qinigassanngortittut qinigaasinnaasussatut ilimagineqartut pillugit, Kattuffiup 3F-ip atuagassiaani taama eqqoriaasoqarpoq.
Folketingimut qinigaasussat 39 procentiisa sivisuumik ilinniagaqarsimasuunissaat, allaaserisami ilimagineqarpoq.
Folketingimi maanna ilaasortaasut 31,8 procentii ilinniagartuujusut, siorna misissuisoqarmat paasinarsivoq.
Innuttaasut 8 procentii ilinniagartuujupput.
Taamaalilluni inatsisissat isumaqatigiinniutigineqarnerini innuttaasut katitigaanerat eqqarsaatigalugu ilinniagartuut Folketingimi ilaasortaatitaat amerlavallaassapput, aamma assassornermik suliaqartut allallu sivikinnerusumik ilinniagaqarsimasut ilaasortaatitaat ikippallaassallutik.
Folketingimi ilaasortanngortussat 11 procentii taamatut sivikitsumik ilinniagaqarsimasutut tunualiaqutaqassapput. Taamatut ilinniagaqarsimasut innuttaasut 37 procenteraat.
