Folketingimi ilaasortaq WWF-imi pisortanngorpoq
Gitte Seeberg ukiuni naalakkersuinermut tunngasunik suliaqarnermini, Danmark, Europa nunarsuarlu tamaat eqqarsaatigalugit, pinngortitamut avatangiisinullu tunngasunik annertuumik sammisaqartarsimasoq, suliniaqatigiiffik nalunaarpoq.
Gitte Seeberg Europaparlamentimi ilaasortaatilluni ilaatigut Kalaallit Nunaanni pissutsinik isornartorsiuisarpoq, soorlu Canadamiut puisinniariaasiat pissutigalugu, puisit amiinit tunisassianik piseqqusiunnaarnissaq kaammattuutigaa.
Arfanniarneq pillugu ataatsimiititaliarsuup juunimi ataatsimiinnerani danskit naalakkersuisui Kalaallit Nunaata Savalimmiullu arfanniarsinnaatitanissaannik tapersersuimmata, Danmarkimi naalakkersuisut isummaminnik aamma allanngortitseqqugaluarpai.
Gitte Seeberg Pinngortitaq pillugu nunarsuaq tamakkerlugu suliniaqatigiifimmi atorfittaarami Folketingimi ilaasortaajunnaartussanngorpoq.