Folketingimi ilaasortaq: Naalagaaffeqatigiippugut imaluunniit…..?
Folketingimi ilaasortaatitatta aappaata Juliane Henningsenip, danskit kultureqarnermut ministeriat Brian Mikkelsen, apeqquteqaateqarfigaa, Savalimmiuni nunatsinnilu filimiliortartut ilitsersuisartullu tapiiffigineqarsinnaanissaat eqqarsaatigalugu qallunaat filmiliornermut inatsisaanni ilaatinneqannginnersut.
Allattoq Louise M. Kleemann
Apeqquteqaateqarnermut tunngaviuvoq filmiliortartup Mikisoq H. Lyngep Frankrigimi illoqarfimmi Cannesimi takutitassiani ”Nuummioq”, tapiiffigitinniaraluarlugu itigarsimanera.
- Ilumoorsimappat paaserusuppara itigartitsisimaneq pissusissamisoornersoq, Juliane Henningsen apeqquteqaammini allappoq.
Isiginnaagassiaq ”Nuummioq” aappaagu takuteqqaarneqassaaq, Mikisoq H. Lyngelu Sermitsiami issuarneqarpoq, filmiliami Cannesimi tuniniarnerani isumaqatigiinniarnerit naammaginartumik ingerlanneqartut.