Naalagiaqatigiittoqareerpoq, ministeriunerlu Anders Fogh Rasmussen ammaanersiorluni oqalugiassalluni Folketingimi oqaluttarfimmut massakkut qaqereerpoq.
Ullumikkummi ulloq tassaavoq oktobarip qaammataani marlunngorneq siulleq – Folketingip aasaanerani sulinngiffeqareerluni ulloq ataatsimiiffia siulleq.
Folketingimi ammaanersiornermi qaaqqusanut ilaavoq Inatsisartut siulittaasuat, Jonathan Motzfeldt, - ataatsimittarfimmiipportaaq Folketingimut ilaasortaq, Lars-Emil Johansen.
Folketingimut ilaasortaatitatta aappaa, Kuupik Kleist, napparsimanini pissutigalugu ullumikkut peqataanngilaq.
Ministeriunerup oqalugiaataa naalagaaffeqatigiinnermut qanoq soqutiginaateqartiginersoq ulloqeqqaanerani Radioavisimi itinerusumik tusagaqarfigissallutigu neriuutigaarput.