Fogh Rasmussen uparuarneqarpoq

Danskit statsministeriat Anders Fogh Rasmussen nunarsuaq tamakkerlugu angalaarpoq, silap allanngoriartornera oqalugiaatigissallugu. Taamaakkaluartoq nunamini sila nukissiuuteqarnerlu pillugit apeqqutit akerusunneq ajorai, nutaarsiassaqartitsivik Ritzaus Bureau allappoq.

Uparuaasoq tassaavoq Socialdemokratit avatangiisit pillugit folketingimi oqaaseqartartuat Torben Hansen. Apeqqutai Fogh Rasmussenip akerusuttarsimanngilai, Avatangiisinullu ministerimut Connie Hedegaardimut aamma Angallannermut nukissiuuteqarnermullu ministerimut Flemming Hansenimut innersuussiinnartarluni. Allamut innersuussinera Torben Hansenip assut kusanaagaa.

- Statsministerip allamut innersuussiinnarnera toqqorternertut isigaara, toqqorterneranut pissutaasoraara nunami pissutsit maanna uparuagassartarpassuaqarnerat. Torben Hansen aallartippoq, nangillunilu.

-Statsministeri aperigaluarpara, sooq Danmarkip nukissiuutinut atuinera maanna ukiut sisamassaa qaffannersoq aamma sooq Danmarkimi CO2-mik aniatitsineq ukiuni 15-ini aatsaat taama qaffasitsiginersoq.

- Apeqqutit taakku Statsministerip nammineerluni akisariaqarpai. Kisianni Kalaallit Nunaannut, Bruxelles-imut Brasiliamullu aallartarpoq avatangiisit pillugit oqalugiassalluni. Taamaattumik nammineq nunamini pisunut tunngasuni akinissaata tungaanut malersussavarput, Torben Hansen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat