Fogh Rasmussen Qaanaamut tikippoq
Statsminister Anders Fogh Rasmussenip nunatsinni ulluni tallimani tikeraarnini aallartiinnaqaa.
Statsministeri angalaqataalu ualimut Qaanaamiissapput.
Angalasut minutsini makkunanerpiaq Thulemi Amerikamiut mittarfiannit Qaanaamut ingerlanneqarput, tassaasut statsminister Anders Fogh Rasmussen Naalakkersuisullu sinnerlugit Ilaqutariinnermut inatsisinillu atortitsinermut Naalakkersuisoq Aleqa Hammond malittaallu.
Qaanaap hoteliani ullo’qeqqasioqatigiinneqareerpat kommunalbestyrelse ataatsimeeqatigineqassaaq. Kingorna suliffeqarfiit orninneqassapput ilaatigut Utoqqaat illuat aamma Knud Rasmussenip katersugaasivia pulaarneqassallutik.
Angalaqatigiit Pilutuffimmut ualeru utissapput, unnugu sakkutooqarfimmiut nereqatigineqassallutik.
Naalakkersuisut siulittaasuat Hans Enoksen angalaqataasussaagaluaq peqqiilliornini pillugu angalaqataasinnaanngitsoq sinnerlugu Aleqa Hammond angalaqataavoq.
