Fogh EU-mi præsidentitut piukkunneqarpoq

Ministeriuneq Anders Fogh Rasmussen maannamiit ukioq ataatsiunngitsorluunniit qaangiuppat politikkimit tunuassagunarpoq, EU-mi siullersaalluni præsidentinngornissani salliunniarunarlugu. Aviisimi Danmarkimi ullormut saqqummersartumi, Ekstra Bladet-imi, taama allaaserinnittoqarpoq.
marsip 05-at 2008 05:22

Anders Fogh Rasmussen Europami ima nuannarineqartigaaq, EU-mi præsidentinngornissaa oqartussaasunit pissaanilissuarnit anguniarneqarluni.

Ekstra Bladet-imi allaaserineqarpoq EU-mi præsidenteqalernissaq Statsministeriaqarfimmi Aningaasaqarnermullu ministereqarfimmi piareersarneqareersoq, ministereqarfinniillu taakkunani neriuutigineqarpoq, Anders Fogh Rasmussen ukiortaaq nallertinnagu ministeriunerunerminit tunuariissasoq.

Tamanna iluatsissappat aningaasaqarnermut ministeri, Lars Løkke Rasmussen ministeriuninngussaaq.

EU-p siullerpaamik præsidenteqalernissaanut Tuluit Nunaanni ministeriunerusimasup, Tony Blairip, Fogh unammillerluarpaa. Ekstra Bladet-li naapertorlugu Tysklandip tamanna akerlerilluinnarpaa, taamaammat Fogh EU-mi præsidentinngornissaminut periarfissagissaarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq