Nunarput tamakkingajallugu, Ittoqqortoormiit Ivittuullu minillugit, aasaq manna meeqqat hunnorujulippassuit fodboldskolertinneqassapput.
Nuummi meeqqat 135-it Nuup arsaattarfissuani fodboldskolertinneqarput
Meeqqanik sungiusaaqataasoq Jimmy Holm Dyring, fodboldskolertitsineq pillugu ima oqarpoq:
- Meeqqqat ilikkajanermik piuminaqaat. Meeqqat aamma amerlagaluarlutik, paasinnilluartaramik ajornartorsiutaaneq ajorpoq. Aamma qanoq periuseqartassanerluta, nammineq inuttut ilikkarnarpoq. Sungiusakkagut arfineq-pingasut qulingiluallu akornanni ukioqarput, imminullu piumaffiginartupilussuupput, tamarmimmi paasitinnissaat pisariaqarpoq. Jimmy Holm Dyrhuus oqarpoq.
Aasaanerani sungiusaqataasut ilagaat qulingiluanik ukiulik Miki Davidsen. Taassumalu sungiusaqataanini nuannareqaa:
- Arsartarpugut driplertarpugut, nuanneqaaq. Aatsaat siullermik peqataavunga, aamma aappaagu ilaaqqissaanga.
Taama oqarpoq Nuummi fodboldskoleqataasoq, qilingiluanik ukiulik Miki Davidsen.
Nuummi klubbit tamarmik sungiusaanerni sungiusaasunik aallartitaqarput.
Sineriak tamakkingajallugu, Ittoqqortoormiit Ivittuullu minillugit fodboldskolertitsineq ingerlanneqartassaaq.