Qaartartut 200-t sinneqartut pingasunngornerup unnuaani Israelimut aallartinneqarput.Assi: Mahmud Hams/AFP/Ritzau Scanpix

FN-p Israelip Hamasillu akornanni sorsulivittoqarsinnaanera aarlerisaarutigaa

FN-p Kangia Qiterlermut aallartitaanit, Israelimiut Palæstinamiullu akornanni toqumik kinguneqartumik saassusseqattaarneq, unitseqquneqarpoq.

Israel Hamasillu akornanni saassussineq Gazami pisoq sakkortusivoq, tamannalu sorsulivinnermik kinguneqarsinnaavoq.

FN-p Kangia Qiterlermut aallartitai taama aarlerisaaripput.

Palæstinamiut sakkutuui qaartartunik 600-nit ikinnerunngitsunik Israelimut ullut marluk ingerlaneranni igeriussisut, Israelimiillu tamanna silaannakkut saassussinermik akineqaqqittoq, nalunaarutigineqarpoq. Qaartartut 200-t sinneqartut pingasunngornerup unnuaani Israelimut aallartinneqarput.

AAMMA ATUARUK Raketsit Gazamut igeriunneqareersullu ikinnerpaamik 20-t toqutaasut

Gazami saassussinermi inuit ikinnerpaamik 33-t toqutaasut, Israelimi inuit pingasut toqutaapput.

Nunat taakku akunnerminni erngerlutik qaartartumeeriunnaassasut, FN-p aallartitaanit piummaffigineqarput.

Gazami 2014-imili eqqissiviilliortoqartalermalli Israel Hamasillu akornanni ulluni kingullerni aatsaat taama eqqissiviilliortoqartigaaq.

Israelimiut politiivisa Palæstinamiullu akerliussutsimik takutitsisut akornanni, inunnik hundredelikkaanik ikiligaaffiusumi,  aporaattoqarnerani Jerusalemimi nakuuserneq aallartippoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat