Naalagaaffiit Peqatigiit: Korea Avannarlermiut qarasaasiakkut attaveqaatitigut pinerluttuliorlutik milliardilikkuutaat tillippaat

Korea Avannarlermiut qarasaasiaq aqqutigalugu attaveqaatitigut pinerluttuliorlutik aningaasat 7 milliardit koruunit pallillugit siorna tillippaat.

Naalagaaffiit Peqatigiit nalunaarusiaat suli saqqummersinneqarsimanngitsoq, nutaarsiassaqartitsiviup DPA-p allagaatinik takunnissinnaatitaaneq aqqutigalugu pissarsiarisimavaa.

AAMMA ATUARUK Nunarput qarasaasiatigut pinerliinianut isumannaallisarnerulertoq

Aningaasat tillinneqarsimasutut nalunaarutigineqartut 630 millionit dollarit 1 millard dollarillu akornanniinnissaat nalunaarusiami oqaatigineqarpoq, tassa 4,35 aamma 6,9 milliardit koruunit missaat.

Korea Avannarlermiut, attaveqaatit aqqutigalugit aningaasanik ukiup ataatsip ingerlanerani aatsaat taama amerlatigisunik tillissimaneragaapput.

Aningaasat Korea Avannarliup naalakkersuisuinut amerlanertigut ingerlateqqinneqartarput, assersuutigalugulu nunap taassuma atomip nukinganik atuineranut atorneqartarlutik.