Assi: Affinity Health/Flickr Creative Commons

FN: Meeqqat millionillit mæslinginut akiuussuserneqarsimanngillat

Nunarsuarmi meeqqat milliuunillit mæslinginut akiuussutissinneqarsimanngillat, tamatumalu malitsigisaanik nunani arlalinni inuit mæslinginik ukiut kingulliit ingerlanerini tunillatsissimallutik.

Naalagaaffiit Peqatigiit meeqqanut suliniaqatigiiffiata Unicefip nalunaarusiaani sisamanngornermi saqqummersinneqartumi tamanna atuarneqarsinnaavoq.

Unicefillu naatsorsuutigaa nunarsuarmi meeqqat 169 millionit 2010-mit 2017 ilanngullugu akiuussutissinneqarsimanngitsut.

USA-mi, Thailandimi Europamilu nunani arlalinni mæslinginik ukiormanna tunillanneqarsimasut nalunaarutigineqarpoq.
Danmarkimi inuit arfinillit marsimi tunillatsissimapput.

AAMMA ATUARUK Angalasut mæslinginut akiuussutissamik kapitinissaat kajumissaarutigineqartoq

Nunatta nakorsaanerata marsimi nalunaarutigaa nunatsinni mæslingertoqanngitsoq.

AG siorna allaaserisaqarpoq Nuummi meeraaqqat 15-inik qaammatillit affaat sinnilaarlugit tassa 57 procentii akiuussutissinneqarsimasut.

Mæslingillu nunani allani tuniluunnerat nunatta nakorsaanerata qanimut malinnaaffiginerarpaa.

Mæslingit meeqqaat nappaataanni tunillannarnerpaajuvoq. Taamaammat innuttaasut ikinnerpaamik 95 procentiisa nappaammut akiuussuserneqarsimasariaqarput. Tamanna ataatsimoortumik akiuussuserneqarsimanerminik taaneqartarpoq, tassalu naappaatip tuniluutinnginnissaa anguniarlugu amerlasuut akiuussuserneqarsimassallutik.

Meeqqat akiuussuserneqarsimanginnerinut pissutaasinnaasut arlaliusinnaapput. Unicefimit pissutaatinneqartut ilagaat akiuussutissap pissarsineqarineqarsinnaannginnera, soqutigineqannginnera, peqqinnissaqarfinni aaqqissuussinerlunnerit ilaatigullu aamma akiuussutissap tatigineqartannginnera.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat