FN Københavnimi 2009-mi ataatsimiissaaq
Allattoq Mads Lynge
marsip 21-at 2007 12:14
Naalagaaffiit Peqatigiit silaannaap pissusaa pillugu 2009-mi Københavnimi ataatsimeersuartussaavoq, ataatsimeersuarnermi tassani gassit silaannarmik kissatsikkiartuaartitsisartut killilersimaarneqarnissaannik Kyoto-mi isumaqatigiissut nutarterneqarnissaa naatsorsuutigineqarpoq.
Københavnillu ataatsimeersuarfiunissaa iluaqutissartaqassagunarpoq.
USA-p Danmarkillu akornanni pitsaasumik attaveqaqatigiinnerup kingunerisinnaavaa USA-p silaannaap pissusaannut pillugu isumaqatigiissummut ilaajumalernera.
EU isumaqarpoq Københavnip ataatsimeersuarfissatut toqqarneqarneranut pissutaasoq Danmarkip silaannaap kissatsikkartorneranut iliuuseqartarnerata iluarisimaarneqarnera. EU-p avatangiisinut kommissæria Stavros Dimas oqarpoq.
