FN-ip nannup pisataanik tuniniaaneq ingerlaannaqquaa
CITES tassaavoq uumasut nungutaanissaminnut aalleqquteqartut niuerutigineqarnerannut nunarsuaq tamakkerlugu isumaqatigiinniartarfik Naalagaaffiit Peqatigiit, FN-ip ataaniittoq. Tassalu taanna aqqutigalugu USA-p nannut amiisa, kigutaasa kukiisalu tuniniaqqusaajunnaarnissaat anguniaraluarpaat.
FN-ip ernumagaa, nannut pisataasa tunisaajunnaarnerisa kingunerissagaa, inuit issittormiut nunaqavissut aningaasarsiornerata eqqugaanerlunnissaa. FN amma isumaqarpoq nannut nungutaanisaaannut aalleqquteqartariaqanmngitsugut, naak nannunik ilersuisut ilisimatuut nungutaanissaannik ilimasaarigaluartut, CBS News taama allaaserisaqarpoq.
Norgemiut, Canadamiut aamma Kalaallit Nunaannit aallartitat amerikamiut siunnersuutaannut akerliunertik ersersippaat. Nannut pisataasa niuerutigiinnarnissaat inassutigineqarmat Canadamiunit nuannaarutigineqaqaaq.
Tasamanimiut neriorsuutigaat nannut nungusaataanngitsumik piniagaanerat ingerlatiinnassallugu.
- Nannut qaqugorsuarmut uumasuuginnarnissaat anguniassavarput. Canadallu tassa tamanna siunniussaraa. Aamma isumaqarpugut inerteqquteqalernissamik siunnersuut piviusunik tunngaveqanngitsoq, Canadamiut aallartitaat nutaarsiassaqartitsivimmut CBC-mut oqarput.
Uumasunik illersuiniaqatigiiffiit assut pakatsisinneqarput, oqarlutik CITES-ip uumasut taakku, tassa nannut, suusupagigaat, International Fund for Animal Welfare-p IFAW-imik aamma naalisarneqartartup oqaaseqartua Jeff Flocken oqarpoq.
Nannut nungutaanissaasa aarleqqutaanera, USA-p nunanit tamanit siullersaalluni inassutigigaluarpaa.