FN-imi inuiattut akuerisaanissamik ataatsimiinneq piareersarfik

Nunamik piginnittuuneq nunallu inoqqaavisa pisuussutinut piginnittussaatitaanerat pillugu FN-imi majimi ataatsimiittoqassaaq, taamaammallu piareersaataasumik ICC-p aamma Samet aallartitaat ullumi ippassarlu piareersaataasumik ataatsimiipput.

Rosa Thorsen paasissutissiissaaq:

Kalaallit inuiattut nunamillu piginnittussaanerannut tunngasumik suliniarnerat FNimit isiginiarneqarpoq.

Aqqaluk Lyngep namminersorneq pillugu ataatsimiitsitaliap siulittaasuata ullumi oqaaserisai pingaaruteqartussatut nalilerpai. Pissanganarluinnarnerarpaalu danskit inuiannut akuerisaminnut pisuussutinik piginnittussaanermut apeqqummut inerniliinissaat:

Kalaallit minnnerunngitsumik kalaallit politikkikkut ingerlatsinerminni angusaat aammalu saamit suliniutaat qanoq innersut, FN-imi suleqatigitsinnit nunarsuarmioqatitisinnillu assut alaatsinaanneqartarpoq Aqqaluk Lynge oqarpoq. Apeqqut pineqartoq pillugu Danskinut saaffinninniarnersoq Aqqaluk Lynge aperineqarami oqarpoq, Danskit ilisimaneqartut nunarsuarmi nunat inoqqaavisa pisinnaatitaaffiinik illersuisuusutut, eqqumiigineqassaarlu, kalaallit inuiattut akuerisinnarlugit tamatsinnut akuerineqarsinnaanngitsumik aalajangersaasoqassagaluarpat, taamaattumik kommission-ip siulittaasuata oqaatigisai pissangartorujussuusut qanorlu aatsitassatigut isertitat pillugit isumaqatigiittoqarsinnaanersoq FN-ip alaatsinaattorujussugaa ICC-ip nunatsinni siulittaasua Aqqaluk Lynge oqarpoq.