Floyd Landis pissassaatinik ilumut atugaqarsimavoq

Cykelerluni sukkaniunnersuarmi, Tour de France-mi, ajugaasoq, amerikamiu Floyd Landis, pissassaatinik inerteqqutaasunik ilumut atugaqarsimavoq. Landisip ilaasortaaffiata, Phonak-ip, tamanna uppernarsarpaa.

Landis misissugassanik marlunnik aaverneqarlunilu quisinneqarpoq. Ajugaasumik aatsaavissuaq taama paasisaqarfiginnittoqarpoq, misissukkallu aappaa aamma malussarfigineqassappat, ajugaasup tujuuluaraa Oscar Pereiro-mut tunniunneqartussanngussaaq.

Cykelertartut tusaamaneqarnerat taamaalilluni kingumut innarlerneqarpoq. Frankrigimi cykelernersuaq suli aallartinngitsorluunniit Jan Ullrich aamma Ivan Basso inerteqqutaasumik pissassaatitorsimasutut pasineqarlutik ilaasinnaajunnaajunnaarsitaapput.

Floyd Landis cykelerfiit 17-issaat atoreerlugulu pissassaatitorsimanasoralugu misissugassanik peersiffigineqarpoq. Tassuunaqqunnerpiamini Landisip ajugaanissani qulakkeerpaa, sukataarujussuarami ilani tamaasa qaangerarlugit– naak cykelerfiit 16-iassaanni samungarsuaq inissikkaluarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat