USA-mi anorersuarujussuarneranit inuit tallimat ajunaartut

Anorersuarujussuup Florencep takkutinnginnerani najugaqartut 1,7 millionit qimagussornissaat inassutigineqarpoq.
Assi © : Google.org
Allattoq Ritzau
septembarip 15-at 2018 14:49
Nutserisoq Ane-Marie Petersen

USA-mi kiattup anorersuaq Florence aqqusaarmat inuit tallimat inuunertik annaavaat. Oqartussat taama nalunaaruteqartut nutaarsiassaqartitsivik Reuters allappoq.

Ajunaartut ilagaat anaanaq naalungiarsuutilik, taakku orpimmit uppiffigitillutik inuunertik annaavaat.

AAMMA ATUARUK Filippinerini tyfoni ajoqusiingaatsiartoq

Naak anorersuarujussuaq sakkukilliimigaluartoq suli aserorterujussuarnissaa ilimagineqarpoq, ilaatigut qarsutsinermik malitseqarsinnaasumik. Qarsutsinerit ulorianarluinnartuusut nutaarsiassaqartitsivik AP allappoq.

North Carolinemi illoqarfiit arlaqartut ulluni marlunni siallerneranit 58 centimeterisut ititigisumik qarsutsineqarput, sumiiffiillu ilaanni meteri angusarsinnaallugu.

North Carolinemi 760.000-it missaaniittut innaallagiaaruteqqapput.

/ritzau/

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk