Flemming Jensen nutaamik atuakkiorpoq

Isiginnaartitsisartoq atuakkiortorlu Flemming Jensen kalaallinut attuumassuteqartumik nutaamik atuakkiorpoq atsersimasaminik "Jakob".

"Jakob" kulturit marluk aporaannerannik, tv takornariaqarnerlu pillugit oqaluttualiaavoq - aamma peqqarniisaarniarneq, ajorniarnerunani uummatilli minguissusianik aallaavilimmik aamma oqaluttuartuulluni, taama atuakkiorfik Lindhardt og Ringhof allappoq.

Kalaaleq Jakob, ukiorpaalunni Danmarkimeereerluni Kalaallit Nunaannut uterami paasivaa allanngorsimalluni kulturillu marluk akornanni inissisimalersimalluni. Kisimiinngilaq taama misigisoq, alianartumillu pisoqarpoq. Inuusuttoq Jakob ukiut 15-it qaangiummata danskit filimiortartut peqatigalugit tv-kkut angalanilersaarusiortunut ilaalluni kangiani Balimut pivoq. Taamaalinerani meeraanermini alianangaartoq pisimasoq tarniluutigaa, nunaqarfeeqqalli ilaanni Petitinget-imut pigami eqqissivoq inuunermillu nuannarinninnera uteqqippoq. Arnaq inuusuttoq Balimioq asannilersoorfigerujussuarpaa, kisianni aamma nunaqarfimmi peqqarniisaarniat, takornariaqarnermik qeqertamik najukkaminnik sequmiisumik akiuiniat naapippai, kingunipilunnissaalu uaneralaararsuarmiippoq ...

Flemming Jensen, 1948-mi inunngortuusoq, Uummannap pigisaani Ikerasanni ukiorpaalunni ilinniartitsisuusimasoq, quiasaarisartuunermi saniatigut inuiaqatigiinni uparuartariallit nipangersimaannarfigineq ajorpai. Atuakkiaasa ilagaat Vejledning i Sælfangst, Imaqa aamma Den skyldiges uskyld.

Flemming Jensen suli Kalaallit Nunaannut attuumassuteqartuarpoq, maannakkorpiarmi Knud Rasmussen illinersiorlugumik taallugu takornarianik angallassisuuvoq. Tassa sinersortaammik avannaani sinersortuni oqalugiartuullunilu Kalaallit Nunaat pillugu paasissutissiisassappat.

Atuagaq "Jakob" aggustip 23-ani saqqummissaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat