Fjernsynernikkaat toqujaarnerusarput

Inuit unnuit tamaasa nalunaaquttap akunnerini arlalinni fjernsynerusaartartut, assamminnik sarliaannarpallaartuusaramik, toqujaarnerunissaminnik navianartorsiornerusartut paasineqarpoq.
januaarip 13-at 2010 09:32

Australiami misissuisitsinermi nutaami paasisat naapertorlugit ullormut nalunaaquttap akunneranik ataatsimik sivisunermik fjernsynertarutta uummatitta taqarsuaatigut milittoornissamut navianartorsiornissarput 18 procenterujussuarmik qaninnerusarpoq. Danmarkip Radioatigut tamanna tusarliunneqarpoq.

Angutit arnallu 8.000-t ilisimatuunit ukiuni arfinilinni malinaavigineqarsimapput. Tassani erserpoq malinnaavigineqartut ullut tamaasa nalunaaquttap akunnerini arlalinni fjernsynertartut uuumatimikkut taqarsuarminnik milittoorlutik toqujaarnerusinnaasut, issiaannarpallaarnertik pissutigalugu.

Fjernsynerpallaarneq pissutaanngilaq, tassaliuna uninngaannarpallaarneq, tamanna ilisimatuut erseqqissaatigaat.