Timmisartuutileqatigiiffiup timmisartuanik Airbus A 321-imik attartukkamik timmisartuussinerit sisamaasut siullersaat Tysklandip avannaaniit Hannoverip mittarfianiit nunatsinnut ingerlaarnerussaaq. Assi: Victor/Flickr Creative Commons

Finnair Kangerlussuarmut timmisartuussiniartoq

Takornariat nunatsinnukarnissaat piffissanngorpoq ulapaangaatsiartoqassasorlu nittartagaq Standby.dk taama allaaserisaqarpoq.

Tamanna nalinginnaasuunngilaq, Finlandiumiummi timmisartuutileqatigiiffiat Finnair qaammatip tullianit Kangerlussuup mittarfianut mittalissaaq.

Timmisartuutileqatigiiffiup timmisartuanik Airbus A 321-imik attartukkamik timmisartuussinerit sisamaasut siullersaat Tysklandip avannaaniit Hannoverip mittarfianiit nunatsinnut ingerlaarnerussaaq.

Nittartakkap Standby.dk-ip allaaserivaa aasaq manna attartukkamik timmisartuussinerit taakkuinnaanaviangitsut, siornami augustip qaammataani amerlanerpaasimagamik.

Ukioq manna augustip 17-at tassaassaaq Kangerlussuarmi aasami ulapaarnerpaaffik, tassami timmisartut katillugit 100-it ilaasullu 2.500-it tikittussaammata.

Taama ulapaartoqartigineranut attartukkanik timmisartuussinerit pisooqataalluinnarput.

Ullormi taanna tuluit timmisartuutileqatigiiffianniit Titan Airwaysimit, timmisartoq Boeing 767 Kangerlussuarmut tikissaaq, umiarsuarmut takornariartaammut ilaasunik Parisimit Parisimullu angallassissalluni.

Taassuma saniatigut timmisartut Boeing 737-it sisamat Kangerlussuarmut tikissapput taakku Parisimut Ottawamullu Canadamiittumut utersassallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat