Finn Karlsenip oqaasii Kim Kielsenip tupiginngilai
Naasut uumasullu mianerisariallit pillugit allattorsimaffiup paasissutissanik pisoqalivallaartunik imaqarneranik Aalisarnermut Piniarnermut naalakkersuisup Finn Karlsenip oqaaseqarnera, Avatangiisinut naalakkersuisumit Kim Kielsenimit tapersersorneqarpoq.
Allattoq Mads Lynge
- 2005-ip siornatigut kisitsisit pigisavut atorneqarput. Ullormiit ullormut atuagaq taamaattoq naqiterneqarnavianngilaq. Imaappoq: Kisitsisit ullumi pigisavut aqagu pisoqalereersimassapput, Kim Kielsen oqarpoq, nangipporlu:
- Atuagaq pineqartoq sakkut ilagiinnatussaavai. Oqartoqarsinnaanngilaq Finn Karlsenilu isumaqatigiinngittugut. Kisitsisit ullumi pissarsiarigutsigit aqagu pisoqaleriissapput. Taamaammat tupiginngilara Finn Karlsen oqarsinnaammat kisitsisit pisoqalereersimasinnaasut, Avatangiisinut naalakkersuisoq Kim Kielsen oqarpoq.