Finn Karlsenip Karl Kristian Kruse akivaa

Uummannap kommuneqarfiani nunaqarfimmi Niaqornani aalisartut piniartullu peqatigiffianni siulittaasup Karl Kristian Krusep, qilalugartassat ilaqqinneqarnissaannik qinnuteqarsimanerminnik maannamulli kinguneqanngitsumik, ammasumik allagaa, Aalisarnermut Piniarnermullu Naalakkersuisup Finn Karlsenip akissuteqarfigaa. Tassa Karl Kristian Kruse allappoq qilalugartassat amerlineqarnissaannik qinnuteqarsimallutik, qaammatilli pingasut sinnerlugit akineqarnissamik utaqqisimagaluarlutik suli akineqarsimanatik. Finn Karlsen ima oqarpoq:

-Oqaatigissavara ukioq manna 2007-mi arfineq pingasoriarluni allaffigivaanga tallimariarlungalu akisimavara. Taassuma saniatigut Pisortaqarfik februaarip 23-ianni marsip arfineq aappaanni, apriilillu sisamaanni arfineq aappaannilu ilitsersuutinik lanngussuussilluni aamma akissuteqartarsimavoq.

Qilalukkanik pisasseqqinneqarnissamut qinnuteqaat aamma akineqarsimavoq.

Piosrtaqarfiup 100 pisasseeqqissimaneq tunngavigalugu akissuteqarsimanera Finn Karlsenip atuarsimanerarpaa.

- taakku saniatigut qulit upernarnerusumut toqqorneqarlutik agguaateqqitassaanerat aamma nassuiaassutigineqarpoq. Uummannamullu pisassiissutigineqartartut ukiut taamasa sipporneqartarnerat pissutigalugu pisassanik ilanngaassisariaqartarnerit aamma ilanngullugit nassuiaatigineqarsimapput.

Finn Karlsenip erseqqissaatigaa, piniartut peqatigiiffii tamarmik immikkuualuttukkuutaarlutik qinnuteqartalissangaluarpata suliarujussuanngorsinnaammat qilalugartassat amerleqqinneqarnissaannik qinnuteqaatit

Kattuffik imaluunnnit kommuneqarfik aqqutigisartuuppassuk pitsaanerpaassangaluartoq.