Finn Karlsenimut tunngasoq misissoqqinneqassaaq

Naalakkersuisunut ilaasortap, Finn Karlsenip, pinerluuteqarsimaneragaaneranut suliaq tunngasoq suli misissorneqarpoq.

Suliaq Naalagaaffiup Københavnimi unnerluussisuani qaammatit kingulliit uninngasimavoq, inatsisit tunngavigalugit nalilersorneqartussaanera pissutigalugu, Kalaallit Nunaannili politiinut maanna utertinneqareersimalerpoq.

Suliap sukumiinerusumik suli misissorneqarnissaa kissaatigineqarpoq.

Politiit ittorigallagaat, Bjørn Bay, oqarpoq, tusarniaanernik allanik pisoqassanngitsoq – pappialalli paasissutissanik imallit arlallit pissarsiarinissaat neriuutigigitsik.

Suliap Naalagaaffiup unnerluussisuanut piffissami qaninnerpaami utertinneqarnissaa Bjørn Bayip ilimagaa.

Qanoq ingerlaqqinnissaq aamma aalajangerneqartussaavoq.

Finn Karlsen politiinut Kalaallit Nunaanni Sulisitsisut Peqatigiiffiannit februaarimi tunniunneqarpoq,

Ammeriviup Great Greenlandip pisortaanera pinerluuteqarsimanerarlugu oqaaseqareernermi kingorna.