Finn Karlsen salluvoq piumasaarsorlunilu
- Salluvoq piumasaarsorlunilu, EU-mi ilaasortaq Dan Jørgensen, Finn Karlsen pillugu taama oqarpoq.
Naalakkersuisoq Finn Karlsen ippassaq radioavisimut oqarpoq, Canadameersunik puisit amiinik EU-mut eqqussuiunnaaqqusilluni EU-mut ilaasortanik atsiortitsisaqattaarsimanerit, fiisternermi, katerisimaarluni ingerlanneqarsimasut tusarsimagini, taamaattumillu taamatut atsiortitseqattaarsimaneq piviusorsiortutut oqaatigisinnaanagu Finn Karlsen ippassaq oqarpoq.
- Piumasaarsorluni tutsuiginanngitsumillu oqalunneruvoq, Dan Jørgensen oqarpoq nangillunilu: - Atsiornernik katersiniarnerput qaannaterpassuarni ingrlassimavarput, Parlamentimilu ilaasortat ataasiakkaarlutik atorfilittanut ornigullutik atsioriartortarput, Dan Jørgensen naggasiivoq.
Maannakkut EU parlamentimi ilaasortani 732-iusuni amerlanerussuteqartut atsioreersimapput.
Julip qaammataani naalakkersuisoq Josef Motzfeldt, EU-parlamentimut ilaasortanut ammasumik allagaqarluni, atsiortitsisaqattaarnerit unitsinniarsarineqaraluarput.
