Finn Karlsen qalerallit pillugit nassuiaassaaq
Inatsisartut inatsisit atortinneqarnerannut ataatsimiititaliaata ullumi sisamanngornermi aalajangerpaa, Aalisarnermut Piniarnermut Nunalerinermullu Naalakkersuisoq aggersarneqassasoq, Avannaani qaleralinnut pisassanut atatillugu nassuiaatinneqassalluni.
Finn Karlsen pingasunngornermi aggustip 30-ianni aggersarneqarpoq, tassani inatsisartuni ilaasortat ilaasa naalakkersuisunut apeqquteqaataat akiortussallugit, taama inatsisartunut ilaasortaq Johan Lund Olsen, Inuit Ataqatigiinneersoq Sermitsiamut ullumi oqarpoq.
Johan Lund Olsen ataatsimiititaliap apeqqutit sorpiaat saqqummiutissaneraat oqaatigerusunngilaa.
- Kisianni erseqqissumik paasitinneqarusupput, avannaani qaleralittassiinermut atatillugu inatsisinik unioqqutitsisoqarsimanersoq, Johan Lund Olsen nassuiaavoq.