Finn Karlsen politiinut unnerluutigineqarpoq
Aalisarnermut Piniarnermullu Naalakkersuisoq Finn Karlsen politiinut unnerlutigineqarpoq.
Kalaallit Nunaanni Sulisitsisut Peqatigiiffiata tassa-taavannguaq nalunaarutigaa, Great Greenland A/S-imi pisortaq Michael Nielsen sinnerlugu – naalakkersuisumik Finn Karlsenimik unnerluutiginninnissamik politiinut allagaqarlutik.
Pineqartoq tassaavoq pinerluttaalisitsinermut inatsimmi paragraf 71-imi immikkoortoq siulleq, nikarnasagaanermik imaqartoq. Ullo`qeqqanut radioaviisimi oqaatigineqarpoq Michael Nielsenimut atatillugu Finn Karlsen oqarsimasoq suliariumannittussarsiuussinermut inatsit avaqqullugu Michael Nielsen iliuuseqarsimasoq.
Pisup annertussusia naapertorlugu maanna saqqummiussat nunatta avataanut aamma anngutereersimapput, tassalu Danmarkimut nunanullu allanut. Taamaattumik Sulisitsisut Peqatigiiffiata piaartumik suliap suliarineqarnerani killiffinnik ataavartumik ilisimatinneqartarnissartik politimestereqarfimmut aamma piumasaraa.
