Finn Karlsen Nuup kommunalbestyrelsianni ilaasortanngorpoq
Allattoq Mads Lynge
Atassut sinnerlugu Nuup kommunalbestyrelsiannut qinigaasup, Jensine Berthelsenip, qinigaasinnaatitaannginnera, qinigaasinnaatitaanermut ataatsimiititaliap aalajangiussimagaa ippassaq radioaviisimi oqaluttuaraarput.
Ataatsimiititaliap taamatut aalajangerneranut pissutiginiarneqarpoq, Jensine Berthelsen siorna Hotel Sisimiut-mi tillinniarsimasutut, ukioq manna januaarip 18-ianni Sisimiut eqqartuussiviannit pinerloqqissagaluaruni aatsaat naammassisassamik eqqartuunneqarami.
Tamanna pissutigalugu Nuup kommuneanni Atassut sinnerlugu taaneqarnerpaat tulliat kommunalbestyrelsimut ilaasortanngussammat. Taamaasillunilu Finn Karlsen Nuup kommunalbestyrelsiannut iserpoq.