Finn Karlsen nuannaarpoq
-Nuannaarutigaara qaangiummat. Taama oqarpoq naalakkersuisunut ilaasortaq Finn Karlsen naalagaaffiup unnerluussisuata eqqartuussisulersuussisoqannginnissaanik aalajangiinera pillugu.
Sulisitsisut Peqatigiiffiata eqqartuussisunut tunniussinera Naalagaaffiup unnerluussisuata qaammatini kingullerni suliarivaa.
Finn Karlsen Ammeriviup pisortaanik peqquserluuteqarsimanerarlugu oqaaseqarnera radioaviisimit sammineqareersorlu februaarimi unnerluussineq pivoq.
Naalagaaffiup unnerluussisuunerata pasilliinernut uppernarsaatissaqanngitsoq sapaatip akunnerani uani aalajangerpaa.
Finn Karlsen kujataani aasarsiortarfimminiittoq oqarpoq, allatut aalajangiisoqarnissaa nammineq ilimagisimanagu. Allamillu oqaaseqarusunngilaq, aalajangiineq suli tigusimannginnamiuk atuarsimanaguluunniit.
