Neqi A/S ulluni kingullerni nalunaaruteqarpoq Namminersornerullutik Oqartussanit 4 mio. koruuninik aningaasaliiffigineqanngikkuni kiffartuussinissamut isumaqatigiissut aqqutigalugu matusussanngussallutik.
- Ullumikkorpiaq isumaqatigiissuteqarfigissanngilagut, ullunili aggersuni isumaqatigiissuteqarfigissaqqaarpavut, Finn Karlsen neriorsuivoq.
Taanna erseqqissaavoq naalakkersuisut tamanna pillugu oqaloqatigiissuteqareersut tapersiinissaminnullu piareersimasut.
- Aningaasaqarnermut ataatsimiititaliap aamma paasitippaatigut 4 mio. koruuninik tapiissuteqarnissamik qinnuteqartoqarpat akuersaarnissaminnut piareersimallutik. Maanna aningaasat qinnutigaavut, taakkulu piffissaq imaalinngitsoq aaqqissapput, Finn Karlsen neriorsuivoq.