Finn Karlsen isumaqarpoq Kangilinnguani sakkutuut angallanneqarnerat aaqqiivigineqartariaqartoq

Aalisarnermut Piniarnermullu Naalakkersuisoq Finn Karlsen oqarpoq Kangilinnguanut timmisartuussinerup unitsinneqarneratigut nunatta imartaani nakkutilliinerup innarlerneqarsinnaanera paasisinnaallugu; isumaqarlunilu ajornartorsiut aaqqinneqartariaqartoq:

- Uanga isumaqarpunga naalakkersuisuni eqqartoqqissaartariaqaripput, taamaammat angallannermut naalakkersuisoq tikeriarpat Kangilinnguani oqartussaasut kiisalu illersornissamut ministereqarfik peqatigalugit arlaatigut aaqqiiinissaq siunertaralugu oqaloqatigiittariaqassaagut, Finn Karlsen oqarpoq.

Finn Karlsen oqarpoq nakkutilliinermut angallatinut kinguarsaataannginnerusumik aaqqiisoqarnissaa anguniarneqartariaqartoq.

Finn Karlsen isumaqarpoq Kangilinnguanut timmisartuussinerit sapaatit akunnikkaanngikkaluatumik, kisiannili sakkutuut paarlaattussaatillugit allaatigut iluarsiisoqarsinnaasarnissaa siunnersuutigineqarsinnaasoq:

- Sakkutuut immami nakkutilliisut paarlaanneqartarput piffissami aalajangerimasumi, taamaattumik sillimasissaatitaaffii innarlerneqannginnissaat anguniarlugu immikkut aaqqiisoqarsinnaanissaanik ujartuisoqartariaqarpoq; sapaatip-akunnikkaartumik orninneqartarsinnaanerat pinngikkaluarlugu, Finn Karlsen oqarpoq.