Finn Karlsen: Inuussutissarsiortut sunarpiaruna kissaatigaat?

KNAPK-p, Sulisitsisut peqatigiiffiata aalisartitsiviullu Polar Seafoodip nunat allamiut sinerissap qanittuani aalisarniarlutik qinnuteqarnissaasa unitsinnissaannut naalakkersuisunut saaffiginnissutaat Aalisarnermut Piniarnermut nunalerinermullu naalakkersuisup Finn Karlsenip akissutaani ersersinneqanngilaq.
oktobarip 12-at 2007 07:54

Arlaannaat qinerneqartariaqarpoq – inuussutissarsiortut sunarpiaruna kissaatigigaat? Naalakkersuisoq aperivoq. Namminersornerullutik oqartussat nittartagaanni Finn Karlsen saaffiginnissut akillugu taamatut aallartippoq.

Naalakkersuisut aalisarneq pillugu inatsisissatut siunnersuutaat innersuussutigineqarpoq, tassani pineqarluni suliffeqarfiit kalaallinit pigineqartutut allattorsimasut soqutigisaqartunit nunanit allaneersunit aqunneqarsinnaanerata ajornarnerulernissaanik kinguneqartussaq.

Angallat ataaseq atorlugu assigiinngitsunik aalisarsinnaanermik periarfissat inuutissarsiortut kissaataannut atatillugu, aalisarneq pillugu inatsit maannakkut atuuttoq aamma aalisarneq pillugu inatsisissatut siunnersuut malillugit tamanna ajornaquteqanngitsoq, aalisarnermut naalakkersuisoq Finn Karlsen Namminersornerullutik Oqartussat nittartagaanni taama allappoq.

Aalisarnermut Piniarnermut Nunalerinermullu naalakkersuisoq Radioavisimiit oqaaseqartinniaraluaratsigu iluatsitsinngilagut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq