Finn Karlsen akiumanngittuarsinnarpoq
Finn Karlsen sallutuutut piumasaarsortutullu, Socialdemokratit EU-mi ilaasortaatitaata Dan Jørgensenip sapaatiummat pisuutippaa.
Finn Karlsen tallimanngormat unnukkut radioaviisimut ima oqarpoq, issuaaneq aallartippoq:
-Katerisimaarluni fiisternermi atsiortitseqattaarsimasut oqaluttuunneqarpugut. Taamaattumik taamatut atsiortitseqattaarsimaneq piviusorsiortutut uanga oqaatigisinnaanngilara. Issuaaneq naavoq.
Taamatut oqarneq, atsiornernik katersisup Dan Jørgensen-ip ima akivaa; Issuaaneq aallartippoq:
- Piumasaarsorluni tutsuiginanngitsumillu oqalunneruvoq. Atsiornernik qaammaterpassuarni katersiniarpugut, Parlamentimilu ilaasortat ataasiakkaarlutik atorfilittanut ornigullutik atsioriartortarput.
Sallunerarneraaneq piumasaarsorneraanerlu Aalisarnermut Naalakkersuisumut ulluni arlaqalersuni akitinniaraluarparput sulili iluatsinngilaq.