Politikki Inuussutissarsiutit

Finn Karlsen: Akisussaaffik qimarratiginngilara

Aalisarnermut naalakkersuisoq Finn Karlsen Sinerissap Qanittuani Aalisartut Piniartullu Kattuffianit, S.Q.A.P.K-mit, sakkortuumik ippassaq isornartorsiorneqarpoq qalerallit milliartornerannut pisuusutut taaneqarluni. Finn Karlsenillu akisussaaffik qimarratiginngilaa.
Allattoq Mads Pedersen
oktobarip 09-at 2014 11:21

S.Q.A.P.K ippassaq tusagassiofinnut nalunaarummi Aalisarnermut naalakkersuisoq sakkortuumik isornartorsioreeraa pineqartoq KNR-imit pissarsiariniaraluarparput iluatsinngitsumilli. Taamaattorli Finn Karlsen Facebookikkut uparuarneqarnerminut akissuteqarsimavoq:

- Akisussaafik qimarratigissanngilara, aalisartulli oqartarput ajunngeqisut sulilu amerlanermik pisasseqqusarlutik, aallaammi killilersuiffigineerunnissartik piumasaralugu. Tamakku nalilersoqqissaartariaqarput, Finn Karlsen allappoq.

AAMMA ATUARUK Aalisartut: Finn Karlsen pisuuvoq

Taassuma qalerallit aalisarneqartartut milliartorneri nammineq takusimavai, ernumanartillugulu.

- Kisianni 45 cm minnerpaafiliussimaangikkaluaraanni imaasimassagaluarnerpa mikinernik pisaqartoqartarsimanavianngikkaluartroq? Ajornanngeqaaq pisuutitsisinnaaneq.

- Aalisartut oqartarput qalerallit milliartunngitsut, aamma killeqanngitsumik aalisarumagaluarput, kisianni tamanna eqqarsaatigeqqissaartariaqarpoq, ilulissat saanngua assut eqqarsarnarpoq qalerallit taamma amerlanerutigisut mikisuaqqat pisarineqarlutik qallorneqalermata, Finn Karlsen allappoq.

AAMMA ATUARUK Qalerallit ilulissat eqqaanniitut minnerulersimapput

Aamma atuaruk

Politikki

Piniartut nalunaaquttap allanngortinnera pillugu isummersortut

Qupanuk Olsen: Nalunaaqutaq ullormut malinnaalerseqqissavarput

Atassut: Naalakkersuisooqatigiit akileraarutinik oqilisaassinerat qineqqusaarutaavoq