Finlandip 100-liinerani inuit 1900-t præsidentip illorsuanut qaaqqusaasut
Inuit 1900-t præsidentip illorsuanut naasorpassuarnik tungujortunik qaqortortalinnik kusassarneqarsimasumi qaaqqusaapput. Nalliuttorsiornermilu aamma qummoroortarnersuaqassaaq.
Finlandimi innuttaasut 5,5 milliuuniupput taakkualu nalliuttorsiornermi mininneqanngillat, ullummi ingerlanerani smsikkut statsrådimit pilluaqqussummik nassitsivigineqassapput.
Qaaqqusat ilagaat sakkutuut inuusuttut sakkutuujunnaarsimasullu sakkutuujusimasut Sovjetunioniusimasumut
sorsoqataasimapput.
Finlandi 1917-imi decembarip ulluisa arfernani nunamit sanilerisaminit pissaaneqaqisumit tassa Ruslandimit namminersortunngorpoq.
Tamanna sioqqullugu Finlandi 1809 tikillugu tassa ukiut 600-it tikillugit Sverigimut atavoq. Tamatumalu kingorna Ruslandimut atalerpoq aatsaallu sorsunnersuup siulliup qaangiunneranit Ruslandimit atajunnaarluni namminersortunngorpoq.
/ritzau/FNB
