Finlandimiut siulliullutik sukuutsertalerput
Qularnanngitsumik Finlandimiut nunarsuatsinni siullersaallutik sukuutsertalersimapput. Tuluit aviisianni The Timesimi taama allaaserinnittoqarpoq.
Allattoq Mads Lynge
decembarip 27-at 2007 08:14
Ilisimatusartut uumasut saarnginit sukuutsilianik ukiunik 5.000-inik pisoqaassusilinnik nassaarsimapput. Tassa Finlandimiut nunaminni tuusintilinnik taseqartut ukiut 5.000-it ingerlanerini sukuutsertarsimapput.
Taamaattorli sukuutsit sunngiffimmi sukisaarsaatitut atorneqaratik angalaniarnermi atorneqartarsimasut Manchester Metropolitan University-mi ilisimatusartut oqaatigaat.
