Assi: Arctia.fi

Finlandimiut sikunik aserorterutaat aatsaat taama siusitsigisukkut Sullualukkoorpoq

Finlandimiut umiarsuaataat sikunik aserorterut Manerassuarmit Sullualukkoorluni Kalaallit Nunaannut tikeqqammerpoq, umiarsuarlu ukiup ingerlanerani aatsaat taama siusitsigisukkut tassuunaqquuppoq.

Sullualummi sikuusarnera pissutaalluni nalinginnaasumik ukiup taamaalinerani ingerlaartoqarsinnaanngilaq, maannamullu siusinnerpaamik tassuunaqquuttoqarmat juulip ulluisa 30-anni Sullualukkoortoqarpoq. Canadamiut umiarsuaataat sineriammik nakkutilliissut 2008-mi taamanikkut Sullualukkoorpoq.

Umiarsuaq Finlandimeersoq MSV Nordica Nuummut juulip 29-ani tikippoq. Canadamiut umiarsuaannut Louis L. St-Laurentimut naleqqiullugu ullumik ataatsimik sukkaneruvoq. Canadamiulli umiarsuaataat Canadap kangimut sineriaanit kimmut taamanikkut ingerlaarpoq.

MSV Nordica Vancouverimit Nuummut ingerlaarnermini atorpai ullut 24-t, immikkullu ilisimasalinnik aamma ilaasoqarluni.

Sullualuk silap pissusiata allanngoriartornerata kingunerisaanik ukiuni kingullerni angallaviusinnaalersimavoq.

Kinap 2013-imi nalunaarutigaa nunat tamalaat miueqatiginiarlugit Sullualukkut aqqut ammarsimallugu.

Sullualuk ukiup ingerlanerani qaammatini sisamani angallaviusinnavoq, juulip naalerneranit angallaviusinnaalersarluni.

Russit sikunik aserortaasa qullersaqarfiata nalunaarutigaa umiarsuit 46-t 2012-imi Sullualukkoortut, sisamaannaallu 2010-mi Sullualukkoortut.

    /ritzau/AP

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat