Finlandimiut kamattorsuupput
Finlandimiut tusindilipassuit narrutsassimaarput. TV-kkut malinnaasimasut nalussanngilaat Melodi Grand Prix aallakaatinneqaqqammermat, Finlandimiullu tassani ajugaapput. Ajugaasut, Lordi, uumasorujussuartut kiinarpaqarlutik taamanikkut peqataapput, taakkunanilu erinarsortoq pingaarneq kiinarpaqanngitsoq aviisini qalipaatilinni ippassaq saqqummersinneqarsimammat finlandimiorpassuit narrutsaatigisimavaat.
Aviisi nioqqutaajunnaaqqullugu kajumissaarummik internettikkut allaffigisassamik maanna saqqummersitsisoqarsimavoq, maannalu ulloq unnuarlu qaangiutiinnartoq inuit 72.000-it tapersersuillutik atsiortitereersimapput.
Lordikkunni erinarsortartut ilaasa kiinarpaqarnatik assingi internet aqqutigalugu pissarsiarineqarsimasut aviisit ilaata aamma saqqummersissimavai. Taakku saqqummersinneqarneri pissutigalugit puffassimaartorpassuit aviisip nittartagaanut allarrassimapput.
Takuarsi – qanoq oqassanerpugut – tusagassiutit aviisilluunniit iliuusaat qanorluunniit annikitsigigaluarpata taamarujussuaq kinguneqarsinnaavoq.
