Finlandimiut angutitaat toqujaarnerusarput

Finlandimiut angutitaat arnartaminnut sanilliullutik marloriaammik toqujaarnerusarput.

- Imigassamik atuineq, persuttaaneq ajutoornerlu angutit toqujaarnerusarnerannut peqqutaakkajuttartut, Pekka Martikainen Helsinki Universitetimeersoq oqarpoq.

Finlandimiut arnartaat angutitaminnut sanilliullutik peqqinnerupput, akerlinganilli angutit uummatimikkut taqqamikkullu ajoquteqarnerusarlutik. Angutit suliffeqanngitsut kisimiillutillu najugaqartut peqqissutsimikkut ajornartorsiuteqarnerusartut, misissuinerup aamma takutippaa.

Angutit arnallu toqujaartarnerisa assigiinnginnerujussuat inuusuttut akornanni ersarinneruvoq.

- Inuusuttut 15-niit 24-nut ukiullit akornanni ajornartorsiut ersarinneruvoq, taamaattoq inersimanerusut akornanni assigiinngissut minnerulinngilaq, Pekka Martikainen oqarpoq.

Kisitsisit misissuinermi paasineqartut naapertorlugit Finlandimiut angutitaat 1000-iugaangata 124-it 60-iitigatik toqusarput, arnallu 1000-iugaangata 54-it 60-iliitigatik toqusarlutik.

Islandimi Cypernimilu innuttaasut nunanut allanut sanilliullugit toqujaannginnerusartut

Misissuinermi - nunani assigiinngitsuni 187-iusuni ingerlanneqartumi - aamma paasineqarpoq.

Akerlinganik Afrikami nunanilu Sovjetimit nunasiaasimasuni ajornartorsiut qaffasinnerusoq misissuinerup takutippaa.