Finlandimiusut imminut napatissinnaaneq

Nordisk ministerråd suleqatigalugu nunani avannarlerni nunat, Canada, Bhutan Kalaallit Nunaanniillu peqataaffigineqartumik imminut napatissinnaaneq pillugu Katuami ippassaq isumasioqatigiittoqarpoq.

Kikkut tamarmik peqataaffigisaannik imminut napatissinnaanermik isuma ukiut 30-t matuma siornatigut Finlandimi ilisaritinneqarpoq. Naalakkersuinikkut aalajangiisoqartillugu imminut napatissinnaanermik isummap ilanngunneqartuaannarnissaa aalajangiunneqarluni. periuseq tamanna Kalaallit Nunaanni atuutsinneqalernissaa anguniarneqartariaqarpoq, Palle Christiansen oqarpoq.

Naalakkersuinikkut aalajangikkat suugaluartulluunniit ineriartortinneqarneranni imminut napatissinnaanissaat anguniarneqartariaqarpoq, taamaalilluta kingulissatta nuna manna ingerlatilerunikku imminut napatissinnaanniassammassut pitsaanerusumillunniit. Finlandimi aningaasarsiornerup imminut napatissinnaannissaa suliniutigineqarsimavoq, pinngortitaq avatangiisillu pilliutigineqaratik, Palle Christiansen oqarpoq.

Inuiaqatigiit assigiinngitsut Finlandimi najugaqarput, tamannalu pissutigalugu kulturikkut tammatsaaliuneq Finlandimi tamani atuuppoq tamannalu Kalaallit Nunaanni ilinniarfigisinnaavarput, Aningaasaqarnermut naalakkersuisoq Palle Christiansen oqarpoq.

Aningaasaqarnermut Naalakkersuisoq Palle Christiansen Finlandiliarniarpoq, Finlandimi imminut napatissinnaanermik suliaqarlutik ineriartortitsinerat paasissarsiorfigiartorlugu.