Finlandimi sakkut pillugit inatsit sukaternerpaat
Finlandimiut ministeriunerata Matti Vanhanenip Finlandimi sakkut pillugit inatsit sukateriffiginiarpaa. Tassa tamanna pivoq, ippassaq ilinniarfiit ilaanni ilinniartoq imminut aallaalluni toqunnginnermini, eqqaassinermigut ilinniartunik qulinik toqutsereersorlu.
Allattoq Louise M. Kleemann
Ministeriunerup, inuinnaat illuinnarsuutinik pisisinnaatitaanerat atuutiinnassanersoq eqqarsaatigigaa, Danmarks Radiup nittartagaani allaaserineqarpoq.
Finlandimi 15-inik ukioqalereersimagaanni illuinnarsuutisisoqarsinnaavoq, ullumikkullu Finlandimiut illuinnarsuutillit 1,6 miliuuniupput. Taakkua innutaasut 13 procenteraat. Taamaattumik ministeriunerup illuinnarsuutit taamaallaat ooqattaasartarfinni atorneqarsinnaalernissaat isumaliutigaa.