Finlandimi ilinniartut qulingiluat toqutaapput
Politiit oqaatigaat, ilinniartut qulingiluat toqutaasut ilinniarfimmi nerisassalerinermut ilinniartuusut. Nutaarsiassaqartitsivik ritzau aamma danskit aviisii arlallit taama allapput.
Politiit ilinniarfimmut takkummata 20-nik ukiulik inimut atuarfiusartumut periarluni politiinik eqqaassivoq.
20-nik ukiulik eqqaassereerluni imminut toqoriaraluarpoq, itigarlunili, maanna napparsimmavimmiippoq inuuneralu navianartorsiortoq oqaatigineqarpoq.
Maanna ilinniarfiup qullersai Finlandimilu naalakkersuisut qanoq iliuusissartik pillugu ataatsimiipput.
Kauhajoki-mi oqaluffik aliasuttunut ullup sinnera ammatinneqarpoq. Unnugulu toqusut qinnunneqassapput.
Siorna 2007-imi novembarimi Finlandimi assingusumik eqqaassisoqarpoq. Taamanikkut Jokela højskolimi ilinniartup ilinniaqatini arfinillit toqoriarlugit imminut aallaalluni toquppoq.