Finlandi arnamik siuttoqalerpoq

Oqaluttuarisaanermi Finlandi aatsaat naalakkersuinikkut arnamik siuttoqalersoq Ritzauip nalunaarutigaa.

Kiviniemi partiimi naalakkersuisuutitaqartumi Centerpartimi Finlandimilu nalakkersuisoqatigiinnut pituttorsimasumi partiinillu sisamanik katiterneqarsimasumi siuttuuvoq. Ukiuni kingullerni pingasuni arnaq taanna kommuninut ingerlatsinermulu ministeriusimavoq.

Kiviniemip Matti Vanhanen sapaatip-akunnerani kingullermi soraarniumminik tunniussisoq kingoraarpaa.

Vanhanenip peqqiilliornini pissutigalugu tunuarniarluni decembarimili nalunaarutigaa tassami annertuumik pilatsittussaagami.

Finlandimili tusagassiuutit pissuterpiaasoq tassaasoq Vanhanenip qineqqusaarnermini suliffeqarfinnit tapiissutinik pisarsimanera tamatuminngalu avammut saqqummiussisimannginnera pissutaanersoq eqqarsaatersuutigaat.

Finlandip nutaamik ministeriunertaava præsidentimit Tarja Halonenimit ualeru malunnartitsiniarnermi pisortatigoortumik toqqarneqassaaq.