Filmskolemi atuarlertussanngorpoq
aggustip 06-at 2005 14:30
Nunatsinni arnani siullersaalluni, Randi Broberg Danmarkimi Filmskolemi sukumiisumik piviusulersaarutinik filmiliortartutut ilinniartussatut toqqagaavoq.
Danmarkimi Filmskolep sukumiisumik piviusulersaarusiorneq pillugu ilinniarfittaanut inuit 300 qinnuteqartut akornganni taamaallaat arfinillit ilinniarfimmi ilinnialersinnaasarput, taakkualu arfinilinnguit ilaattut Randi Broberg septembarip aallaqqaataani ilinnialersussaavoq.
Filmskolemut qinnuteqartut 300-it Skandinaviamit tamaneersuullutillu nunarsuarmit tamaneersuupput, filmskolissagaannili danskisut oqalussinnaaneq piumasaqataavoq. Randi Brobergip qallunaat tallimat atuaqatigissavai.
