Kulturi

VIDEO Filmitoqaasivik nutaaq

Inuit 1950-ikkunniit 1970-ikkullu ingerlanerani nunatsinni filmiliarisimasaat tamanit takuneqarsinnaanngorlugit nittartakkakkut isiginnaarneqarsinnaanngorput. Nunatsinnilu illoqarfiit ineriartupiloorsimanerat qimerloorneqarsinnaasoq, pilersitseqataasoq Inuk Silis Høegh unnersiorpoq.

Allattoq Pipaluk Høegh, Tikaajaat kristensen

juunip 29-at 2015 14:09

Inuk Silis Høeghip aamma Emile Peronardip SUME-Mumisitsinerup Nipaa sanatillugu nunatsinni inuit filmiliaat katersulerpaat.

- Ujarlilerpugut aviisinik tusagassiuitinullu nalunaarutigalugu ujarlertugut taava assit nassiussorput filminik aamma sianeqattaarluta paasiniaasaqattaarluta pissarsiarivagut, Inuk Silis Høegh KNR-imut qanoq filminik pissarsiorsimanerlutik taama nassuiaatigaa.

Filmiliat iluatinnaqimmata aalajangerput nittartakkamut saqqummiunneqarnissaat sulissutigissallugu. Nittartagarlu www.inuiaatisaat.gl maanna alakkarneqarsinnaalereerpoq.

-Uagut aamma kalaallit ima ikitsigigatta ilaa ilisarsissagatta qanorluunniit angajoqqaatsinnik, ittoqqiitsitsinnik tamakku arlaat, Inuk Silis Høegh oqarpoq.

Aamma atuaruk Kulturikkut nersornaat Inuk Silis Høeghimut tunniunneqarpoq

Nittartakkami illoqarfikkaarlugit ujaalertoqarsinnaavoq, ilaatigut Nuummi Knud Hertlingip assilisimasai isiginnaarneqarsinnaallutik.

Allalli soorlu Narsarsuaq suli sanaartorfiunngikkallarmat ima isikkoqarsimasoq, maanna 2015-imi allanngorsimaqaaq.

Inuk Silis Høegh Qaqortumi 1970-ikkunni peroriartorpoq, kujataanilu assilisat isiginnaarlugit ilisarisaqallattaavoq.

Filmiliat 1950-ikkunnit 1970-ikkunnut isiginnaarlugit Inuk Silis Høeghip oqaluttuarisaaneq qanilliallattutut misigaa:

- Nuanneqaaq, soorlu allatulaaq ilikkarlugit taakku inuit takusimasat ilisarisimasat Qaqortormiut allaanngilaq qaninnerulaarlerlugit.